LENGA  E  NATURA  NÒSTRAS

 

Accueil
cursus et activités
publications
articles et contributions
articles de botanique
sentiers botaniques
linguistique
Lexiques thématiques
contes
conférences-sorties
animations scolaires
sujets de colère
expositions photos
galerie de photos
auteurs invités
Liens

 

 

OCCITANS !

 

 n° 97 - septembre - octobre 2000

Article : pron de la mòrt !

Article consacrat a la neuròsi de mòrt que rosega leis Occitans, e li fan preferir la destruccion dei projèctes puslèu que la capitada. Sens parlar de la misoginia e dau masclisme ambients...

[Cambiariáu pas una linha, pas un mot a aquest article vièlh de dètz ans ja! Mai apondriáu ailàs un exemple mai que probant d'aquèsta neuròsi : la barradura dau CLO, sus decision autoritària dau president de l'IEO, David Grosclaude, que venguèt quitament insolentar sei membres a un acamp de Nimes : li èri, la violéncia verbala foguèt allucinanta, e quitèri l'acamp, que non èri pas venguda per me faire injuriar ! Rapèli que lei membres prenián sus son temps (de còps de dimenjadas complètas) e entierament sus son argent (viatges, restaurants, nuechs d'ostalariá, per anar a Tolosa, Besiers o Montpelhier) per trabalhar au servici de la lenga. Lei bramadissas grosclaudianas èran donc mai qu'intolerablas e jamai i aguèt la mendra excusa per tant.

Mai coma estructura fòra l'IEO, e tant e mai trufada e atacada quitament per lei membres de l'IEO que ne'n fasián pasmens partida, lo CLO geinava evidentament au nom dau centralisme autoritarista... Quant d'atacas que se volián risolièras, quant de bramadissas sus una decision ortografica pasmens consensuala !  E pasmens, maugrat un foncionament mai qu'imperfiech, se i èra reglat en 4 ans mai de causas qu'en 40 annadas dau "Sector de Linguistic de l'IEO", cauquilha vueja qu'existís solament sus lo papier (mai pasmens provesit d'un "responsable" que refusa d'aplicar la nòrma ortografica en vigor dins l'IEO ! cas d'esquizofrenia puslèu tragic que comic). La set de poder centralizaire de D. Grosclaude lo menèt a decidir unilateralament "que faliá reorganizar son foncionament" (de quin drech ?) e a lo suprimir, amb l'autoritarisme grandaràs que li coneissèm  (cf. sei rodomontadas dins lo n° especiau consacrat a l'AG de l'IEO de 20?? ont gausèt escriure "L'IEO  a decidit que caliá reorganizar lo trabalh dau CLO" !!). E qu'anaviam veire çò qu'anaviam veire : una acadèmia estructurada, trabalhaira, eficaça, comunicanta, e patin cofin. E çò pièger que tot, luòga de far front e de contunhar de se recampar per trabalhar (que lo foncionament dau CLO regardava en ren lo president de l'IEO), lo burèu dau CLO pleguèt l'esquina... e lo CLO calèt definitivament en 2003. Despuei, qué de meravelhós, d'espetaclós, de productiu ?? Ren, ren, ren, e totjorn ren... en 7 ans !! Ai donc de tiradors plens de questions pertocant la nòrma ortografica. Lo CLO aguèsse perseguit son trabalh, foguèsse caotic, auriáu poscut dintrar dins mon diccionari ortografic d'autrei solucions comunas aportadas. Mai non, faudrà esperar encar 10 ans benlèu ? Lo poder, la set de poder (e pas dau trabalh complit), totjorn lo poder e sa dança macabra que prevalon sus tot e totei. Òsca l'occitanisme "responsable", mercè au president de l'IEO per l'acadèmia mai que performanta mesa en plaça en seguida de son assassinat programat dau CLO, e dos còps mercè per nòstra lenga e seis usatgiers !!

S'aquò es pas de neuròsi de mòrt, de quin costat qu'òm se vire, sabi pas çò qu'es ...]

 

pour lire l'article (.doc), cliquez ici

 

 

 

n° 115 – septembre-octobre 2004

Article : Mistral e la lexicografia occitana

Resumit de nòstra intervencion a l'UOE de Nimes.

pour lire l'article (.doc), cliquez ici

 

 

        

Accueil | cursus et activités | publications | articles et contributions | articles de botanique | sentiers botaniques | linguistique | Lexiques thématiques | contes | conférences-sorties | animations scolaires | sujets de colère | expositions photos | galerie de photos | auteurs invités | Liens

 Pour toute question ou problème concernant ce site Web, envoyez un courrier électronique à bernard.ubaud@wanadoo.fr
Dernière mise à jour le : 24 janvier 2014.